Al Pie Del Viaductu
Autores
Resumen del Libro
Caberos años de los 70 y entamu de los 80. España entera sufre una convulsión polos cambios sociopolíticos, al empar que dalgunos de los sos sectores industriales, como’l naval, entamen esbarrumbase. En Xixón, Lluis Roces, yá dende los sos primeros años d’estudios en La Llaboral, asiste a toes estes mutaciones y decide participar activamente nes amarraces por defender los astilleros de la ciudá. Posteriormente, dende la militancia sindical y dende l’actividá política nes files del partíu gobernante n’Asturies —y na villa de Xovellanos—, va seguir peleando por defender esi sector industrial y los sos trabayadores. Paralelamente la so relación con Teresa —la so muyer— y los dos fíos —Pelayo y Olaya— va pasar per momentos d’estrema felicidá y per otros de tensiones, de resultes del enfotu total de Lluis nel so compromisu social y políticu. Al tiempu que sigue los avatares d’estes histories particulares, el llector ve retratáu’l paisaxe y los ambientes de la ciudá, amira la evolución urbanística y social de la mesma a lo llargo d’unes cuantes décades y observa, dende les mesmes coraes, el funcionamientu de los partíos políticos, les sos trames conspiratives y les engarradielles internes por algamar cuotes de poder.
